АҚШ дауыстарды санап болды: Трамп жеңіп, республикашылдар Конгресті бақылауға алды

Соңғы штат Аризонада дауыстарды санау аяқталды. Дональд Трамп сайлауды шешетін жеті штаттың барлығында жеңіске жетті, деп хабарлайды Orda.kz BBC-ге сілтеме жасап.

Осылайша, ол тағы 11 сайлаушы дауысқа ие болды және өзінің соңғы нәтижесін бүкіл ел бойынша 312 дауысқа дейін нығайта алды, жеңу үшін 270 дауыс қажет болған еді.

Сайлауда Камала Харрис 226 дауысқа ие болды.

Би-би-си атап өткендей, Республикалық партия Өкілдер палатасында көпшілік орынға ие болып, Ақ үйді де, Конгресті де бақылайды, бұл Трампқа өз саясатын жүзеге асыруға барлық мүмкіндік ашып береді.

АҚШ президенті үшін Конгресс қолдауы маңызды, деп жазады DW. Екі палатада да қолдау таппаған американдық мемлекет басшысы жиі үлкен қиындықтарға тап болады. Конгресс АҚШ бюджетін қабылдайды және заң шығару бастамасы құқығына ие. 

Атап айтқанда, Сенат АҚШ әкімшілігіндегі негізгі тағайындауларды бекітеді. Жоғарғы палатаның қолдауынсыз президент министрлерге, елшілерге және судьяларға кандидатура ұсына алмайды, өйткені жоғары деңгейдегі барлық тағайындауларды сенаторлар бекітуі керек.