АҚШ Балтық жағалауындағы үш елге әскери көмек көрсетеді

АҚШ Балтық жағалауындағы үш елге 228 миллион долларлық әскери көмек көрсетуді мақұлдады, деп хабарлайды Orda.kz.

АҚШ Конгресі биыл Эстония, Латвия және Литваға жалпы сомасы 228 миллион доллар әскери және қорғаныс көмегін қарастыратын заң жобасын қабылдады. 

АҚШ үкіметінің қаржыландыру туралы заңнамасы Қауіпсіздік бастамасы аясында НАТО-ға мүше үш Балтық елдеріне әскери көмекті қамтиды, деп жазады Associated Press. 

«АҚШ-тың қолдауы Эстония, Латвия және Литваға бірнеше әскери инфрақұрылым мен әлеуетті дамыту жобаларын жүзеге асыруды жеделдетуге айтарлықтай көмектесті. Жақсы жаңалық, қолдау өткен жылмен салыстырғанда сәл жоғары», - деді Эстония қорғаныс министрі Ханно Певкур.

2020 жылы құрылған Балтық қауіпсіздік бастамасы немесе BSI — АҚШ Қорғаныс министрлігі Эстония, Латвия және Литва Қарулы Күштерінің әскери әлеуетін және өзара әрекеттесуін дамытуға қолдау көрсететін жоба.

АҚШ-тың қаржыландыруы Балтық жағалауы елдерінде әуе қорғанысын, теңіздегі жағдайды білуді және құрлықтағы күштерді дамытуға бағытталған, деп хабарлаған Эстония Қорғаныс министрлігі 2023 жылы BSI шеңберінде үш елге жалпы сомасы 225 миллион доллар бөлінгенін айтты.

Өткен аптада Қазақстан мен Литва азаматтық, отбасылық және қылмыстық істер бойынша құқықтық көмек көрсету туралы келісті.