АҚШ азаматтарының қаржысын пайдаланған алаяқтар Алматыда қолға түсті

Алматы қаласында киберқылмысқа қарсы бөлімше қызметкерлері  қомақты  операция нәтижесінде төрт call-орталықты жойып,  интернет алаяқтарының әрекетін тоқтатты, деп хабарлайды Orda.kz.

Ішкі істер министрлігінің мәліметі бойынша, алаяқтар Иран, Үндістан, Қытай, АҚШ және Малайзия тұрғындарына жалған инвестициялық ұсыныстар жасаған. 47 шетелдік азамат пен 5 қазақстандық қолға түсті. Тергеу барысында олардың 2000-нан астам қоңырау шалғаны белгілі болды.

Тінту кезінде 1500-ден астам телефон, 57 ноутбук және 1000-нан астам SIM-карта тәркіленді. Қазір олардың қазақстандықтарға интернет арқылы алаяқтық жасаған-жасамағаны тексерілуде.

ІІМ қазақстандықтарға қырағылық танытуды ескертеді:

• Белгісіз сілтемелерге өтпеңіз, өйткені бір ғана қателік көптеген қиындықтарға әкелуі мүмкін.
• Егер абайсызда сілтемеге өткен болсаңыз, барлық құрылғыларды бірден өшіріп, қорғанысты күшейтіңіз.
• Бейтаныс адамдардан бейнеқоңырауларды қабылдамаңыз, себебі бұл алаяқтардың ең кең тараған әдістерінің бірі.
• Телефон арқылы несиелер, мүліктерді сату немесе ақшаны «қауіпсіз» шотқа аудару ұсыныстарына ешқашан сенбеңіз. Бұл тек алаяқтықтың бір түрі.
• Банктік деректеріңізді, картаңыздың CVV-коды мен басқа мәліметтеріңізді ешкімге бермеңіз.
• Күмәнді инвестициялық жобаларға кіріспес бұрын, әрбір ұсақ-түйекті мұқият зерттеңіз.
• Қолданбаларды тек ресми платформалардан жүктеңіз — бұл сіздің қауіпсіздігіңіздің кепілі.

«Өзіңізді және мәліметтеріңізді қорғаңыз. Қырағылық — сіздің ең сенімді серігіңіз», — деп ескертеді МВД ресми өкілі Шыңғыс Әлекешев.