АҚШ 66 халықаралық ұйымнан шығуға ниетті

АҚШ 66 халықаралық ұйымнан шығады. Тиісті меморандумға Дональд Трамп қол қойды. Ақ үйдің хабарлауынша, тізімге «Америка мүдделеріне енді сай келмейтін» ұйымдар енгізілген, деп хабарлайды Orda.kz. 

Құжатқа сәйкес, барлық атқарушы департаменттер мен ведомстволар БҰҰ-ға кірмейтін 35 ұйымды, сондай-ақ АҚШ-тың ұлттық мүдделеріне, қауіпсіздігіне, экономикалық әл-ауқатына немесе егемендігіне қайшы әрекет етеді деп танылған БҰҰ-ның 31 құрылымына қатысуды және оларды қаржыландыруды тоқтатуы тиіс.

Бұл шешім АҚШ қатысып отырған немесе қаржыландырып, қолдап келген ұйымдар, келісімдер мен шарттарға жүргізілген талдау нәтижесінде қабылданған.

Билік өкілдері салық төлеушілер қаражатын анағұрлым нәтижелі жұмыстарға жұмсаған дұрыс деп есептейді.

Айта кетейік, АҚШ Венесуэла мұнайын әлемдік нарықта сатуды бастағанын мәлімдеді.