Ақсайда жас жігіт супермаркеттердің бірінен 6 млн теңге ұрлаған

Батыс Қазақстан облысы Бөрілі аудандық полиция бөлімінің криминалдық полиция қызметкерлері 25 жастағы күдіктіні ұстады. Ол Ақсайдағы супермаркеттердің біріне қарақшылық шабуыл жасап, ақша ұрлаған. 

Күдікті сауда орнының әкімшісін аңдып, аулаға шыққан кезде ұрып-соғып, кілтін тартып алып, дабыл беретін құралды өшіріп, супермаркетке кірген. Ол жерден 6 млн теңгеге жуық апталық табысты жымқырып кеткен.

Тонау фактісі бойынша қылмыстық іс қозғалды. Тергеу амалдары жүргізіліп жатыр. Күдікті уақытша ұстау изоляторына қамалды.