Ақмолада локомотив пен жеңіл көлік қақтығысты

Ақмола облысында 1 қарашаға қараған түні теміржол өткелінде поезд бен жеңіл көлік соқтығысып, салдарынан үш адам қаза тапты, деп хабарлайды Orda.kz.

Оқиға шамамен 22:30-да Степногорск–Заводской жолында болды. Audi B4 маркалы көлік үш бос цистерна тіркелген локомотивпен қақтығысты.

Автокөлік жүргізушісі оқиға орнында қаза тапты. Сонымен қатар, тағы екі жолаушы ауруханаға жеткізілгеннен кейін қайтыс болды. Ал үш жолаушы Степногорск ауруханасына түрлі дене жарақатымен жеткізілді.

Полиция департаменті жеңіл автомобиль мен локомотивтің қатысуымен болған жол-көлік оқиғасы бойынша сотқа дейінгі тергеу басталғанын хабарлады.