Ақмолада балабақша директоры айыппұлын қызметкерлеріне төлетіп келіпті

Ақмола облысындағы балабақша директоры өзінің айыппұлын төлеу үшін қызметкерлерінен ақша жинап келгені белгілі болды.

Бұл туралы Ақмола облысының прокуратурасы хабарлады.

Прокуратура тексеріс жүргізіп, Ақмола облысындағы балабақшаларда түрлі бағыттағы 300-ден астам заң бұзушылықтарды анықтады. 

Сондай балабақшалардың бірінде қызметкер мас жүргені анықталды. Тағы бір жағдайда балабақша директоры өз айыппұлын төлеу үшін қарамағындағылардан ақша жинап келген. Қазір директор қызметінен босатылды.

«Тексеріс барысында 3 балабақшада 15 жұмысшының жалған медициналық картасы бар екені анықталды. 12 мектепке дейінгі ұйымда ішек таяқшасы бактериялары табылды. Сондай-ақ, 19 мектепке дейінгі білім беру мекемесінде тамақтану нормалары санитарлық талапқа сәйкес келмеді», деді  Ақмола облысының прокуратурасы.