Ақмола облысында жеткіншек қызды қатыгездікпен пышақтап өлтірген күдікті ұсталды

Ақмола облысында 14 жастағы қызды қатыгездікпен пышақтап өлтірді деген күдікті ұсталды, деп хабарлайды Orda.kz.

«Полиция қызметкерлеріне Целиноград ауданы Ынтымақ ауылының 14 жасар тұрғынын өлтірді деген күдікті адамның тұрған жерін анықтау және ұстау үшін бір тәуліктен аз уақыт кетті. Қылмыс жасағаннан кейін ер адам қашуға тырысып, бірақ жедел іздестіріліп, ұсталған. Күдікті уақытша ұстау изоляторына қамалды. Тергеу шаралары жүргізіліп жатыр», деп хабарлады Ақмола облысы полиция департаментінің баспасөз қызметі. 

Бұған дейін біз қыздың пышақ жарақатынан қаза болғаны туралы хабарлаған болатынбыз.

«Сотқа дейінгі тергеп-тексеру шеңберінде оқиғаның барлық мән-жайлары анықталып жатыр. Тергеу барысы полиция департаменті басшылығының ерекше бақылауында. Полиция күдіктінің заң бойынша қатаң жазаланатынын айтып өтті. Кәмелетке толмағандарға қатысты зорлық-зомбылық барынша қатаң қарастырылады»,  деп сендірді құқық қорғау қызметкерлері.

Айта кетерлігі, бұған дейін интернетте күдіктіге болжамды бағдар таратылған, алайда полиция оған түсініктеме берген жоқ.