Ақмола облысында сот «жала жапқан» әйелді ақтады

Ақмола облысындағы сот жергілікті тұрғынның әлеуметтік желілердегі бейнеөтінішіне байланысты басталған жала жабу туралы әкімшілік істі тоқтатты, деп хабарлайды Orda.kz. 

Әкімшілік іс Шортанды аудандық сотында қаралды. Ақмола облысының тұрғыны өзіне әлеуметтік желіде М. есімді азаматшаның жала жапқанын айтып, сотқа жүгінген. 

М. көпшiлiк алдында әлеуметтік желілерді пайдалана отырып жала жапты, яғни Ш.-нің абыройы мен қадiр-қасиетiне нұқсан келтiрді, оның беделiн түсiретiн көрiнеу жалған мәлiметтер таратты деп айыпталды.

Іс материалына сүйенсек, азаматша М. оқиғаға кінәлі адамның жол апаты болған жерден кетіп қалғаны, ал құқық қорғау органдары істі бірнеше рет тоқтатқаны туралы бейнежазба жариялаған.

Сонымен қатар Ш.-ға қатысты қылмыстық іс тіркелгені анықталды. Іс 2024 жылдың желтоқсанынан 2025 жылдың маусымына дейін 3 рет қозғалып, тоқтатылғаны айтылды.

М. өзінің бейнесінде қылмыстық істі тергеу де ұзаққа созылғанын айтты. 

Айта кетейік, Шымкентте жастар театрының басшысы сыбайластарымен бірігіп қомақты қаражат жымқырғаны анықталды.