Ақмола облысында шенеунік болмаған төтенше жағдайдың салдарын "жою үшін" заңсыз шарт жасасқан

Ақмола облысында прокурорлар болмаған төтенше жағдайлардың салдарын жою бойынша заңсыз жасасқан шарттарды анықтады.

Біржан сал ауданының прокуратурасы мемлекеттік сатып алу саласындағы заңдылықтың сақталуына талдау жүргізу барысында жергілікті атқарушы орган 3 млн теңгеден астам сомаға қызметтік автокөліктер мен ғимараттарға жөндеу жұмыстарын жүргізуге, конкурс өткізбей, бір көзден мемлекеттік сатып алу туралы үш шарт жасағаны анықталды. Конкурс өткізбеу себебі ретінде, төтенше жағдай салдарын жою қажет екені көрсеткен.  

Алайда прокурорлар Біржан сал ауданының аумағында төтенше жағдайлар жарияланбағанын, яғни мемлекеттік сатып алу туралы шарттары негізсіз жасалғанын анықтады.

Прокурорлық қадағалау актісін қарау нәтижесінде лауазымды тұлғаға айыппұл салынды.