Ақмола облысында ауыл әкімі лауазымынан айырылды

Қабанбай батыр ауылдық округінің  әкімі қоғамдық орында мас болып, төбелес шығарды, деп хабарлайды Orda.kz облыс прокуратурасына сілтеме жасап.

Нәтижесінде жанжалға қатысқандардың барлығы шамалы жарақат алды. Сотқа дейінгі тергеу басталды, бірақ кейінірек тараптардың татуласуына байланысты ол тоқтатылды.

Мемлекеттік қызметке кір келтіргені үшін округ әкімі жұмыстан шығарылды.

Бұған дейін Солтүстік Қазақстан облысында бірнеше мемлекеттік қызметкер құмар ойындарға әуестенгені үшін лауазымынан айырылған болатын. Олар букмекерлік кеңседен ақша жіберген.