Әкімдіктер бюджеттен бөлінген 40 миллиард теңге қаражатты игере алмады

Әңгіме республикалық бюджеттен берілетін нысаналы трансферттерді пайдалану туралы болып отыр. Олар жыл сайын облыстар мен республикалық маңызы бар қалалардың әкімдіктеріне даму бағдарламалары мен қолданыстағы өңірлік бағдарламалар үшін бөлінеді. Өткен жылы еліміздің әкімдіктері 40 млрд теңгеге жуық нысаналы трансферттерді игермеген, деп хабарлайды Orda.kz Finprom агенттігіне сілтеме жасап.

Сарапшылардың айтуынша, 2024 жылы республикалық бюджеттен 1,9 триллион теңге бөлінсе, оның 276,4 миллиард теңгесі ағымдағы бағдарламаларға, 1,5 триллион теңгеден астамы даму бағдарламаларына бөлінген.

Әкімдіктер 97,9 пайыз игерген, яғни 2,1 пайыз қаржы өз мақсатына игерілмеген. Ал бұл шамамен 40 миллиард теңге.

Трансферттерді игеру бойынша Астана көш бастап тұр: игерілгені – 100%. Шығыс Қазақстан (орындалмағаны – 69,8 млн. теңге, оның ішінде бюджеттік үнемдеу – 8,1 млн. теңге, игерілмегені – 61,7 млн. теңге) және Қызылорда облыстарына (орындалмағаны – 120,8 млн. теңге) әрқайсысы 99,9%, бюджеттік үнемдеу – 36,6 млн.теңге, игерілмейтіндер – 84,3 миллион теңге). Үздік бестікке Түркістан облысы мен Шымкент қаласы да кірді (әрқайсысы бойынша 99,8% көрсеткіш).

Сарапшылардың айтуынша, бюджет қаражаты ең аз игерілген өңірлердің қатарында Маңғыстау (орындалу үлесі – 85,1%), Атырау (94,2%) және Ақмола (97,2%) облыстары бар.

Жалпы, Қазақстанның 20 өңірінің 9-ында нысаналы трансферттердің орындалмауы 1 миллиард теңгеден асты. Бұл ақша халықтың өмір сүру сапасын жақсартатын жобаларға жұмсалуы керек еді, бірақ түрлі себептермен олай болмады.