Әкімдік қызметкерлері төбелес шығарды

Ақмола облысы Шортанды ауданы әкімінің орынбасары Әділ Әділет аудан әкімі аппаратының басшысы Амантай Жәнібекті өз кабинетінде ұрып тастады.

Бұл туралы журналист Әділ Төлепбергенов инстаграм парақшасында жариялады.

Амантай Жәнібек полицияға арыз жазып, тергеу жүріп жатыр.

Бұған дейін, ҚР Мемлекеттік қызмет істері агенттігінің Ақмола облысы бойынша департаменті  аталған ақпаратты растағаннан кейін Шортанды ауданы әкімінің орынбасары Әділге қатысты тәртіптік іс қозғалып, қызметтік тергеп - тексеру жүргізу тағайындалды.

«2024 жылдың 1 маусымынан бастап Әділ берген өтініші негізінде атқарған қызметінен босатылды.
Шортанды аудандық полиция бөлімі аталған факті бойынша сотқа дейінгі тергеу жүргізіп жатқанын, сот-медициналық сараптама тағайындалғанын хабарлаймыз.
Бұдан басқа, Департаментпен Ақмола облысының әкіміне Шортанды ауданы әкімі Сағындық Шабаровтың бағынышты адамдарға тиісуін бақылаудың жоқтығы үшін тәртіптік жауапкершілігін қарау туралы хат жолданды» .

Бұл туралы Ақмола облысы бойынша мемлекеттік қызмет істері департаменті хабарлады.