«Әкімдік арызданыпты»: Тұтқындалған журналист босап шықты

Алматыда 12 қыркүйек ұсталған журналист Асхат Ниязов босап шықты, деп хабарлады Orda.kz.

Orda.kz осы мәселеден соң оған қоңырау шалып, мән-жайды сұрады. Ниязовтың айтуынша әкімдіктің баспасөз хатшысы қоңырауларға жауап бермеген. Сосын ол әкімдіктің қасына барып оны күтіп жүрген. Әкімдік қызметкерлерінің әбден «мезі» еткен журналисті танығаны, болмаса, танымағаны жайлы дерек жоқ. Әйтеуір, журналистің үстінен арызданыпты.

Ниязовқа полиция қызметкерлері әкімдіктен күдікті адам жүр деген мәлімдеме келген соң тұтқындап отырғанын айтқан. Олардың сөзінше қызметкер журналистің «стратегиялық нысанда жүргенін» мәлімдеген. Полиция оны ол жерден кеткен соң, 12 сағат өткен соң ұстапты. Дер кезінде сол жерде ұстамаған себебін полиция оның қай жерде екенін ол кезде білмегенімен түсіндіріпті.

«Біз әкімдікке барып, баспасөз хатшысын табуға тырысқан едік. Ол қоңырауымызға жауап бермеді. Содан кейін Досаевтың шыққанын күтіп отырдық. Алайда оның қасымыздан бар жылдамдықпен өтіп кеткенін көріп қалдық», — деді Асхат Ниязов. 

«Мен жаңа ғана шықтым және жағдайды әлі ұқпадым. Адвокатпен сөйлеспекшімін», — деді журналист.

Еске сала кетсек, Orda.kz журналист Асхат Ниязовты полиция ұстағанын және бұған дейін оның әкімдік жайлы, сөз бостандығы жайлы белсенді түрде ақпар таратып жүргенін жазған болатын.