«Әкімді күтіп отырмаймыз»: тұрғындар жолды өздері жөндеп берді

Атырауда Химпоселок тұрғындары ақша жинап, мектеп алдындағы жолды жөндеп берді, деп хабарлайды Orda.kz тілшісі.

Әкімдік уәде берген 2025 жылға жоспарланған күрделі жөндеу жұмыстарын күтіп отырмай-ақ, қалалық №7 орта мектеп алдындағы аумақта шұңқырларды жөндеуді тұрғындар өз қаражаттары есебінен жүргізді.  Олардың айтуынша, мектепке баратын жолдың жөнделуін күтіп отыруға болмайды, себебі одан тек балалар  зардап шегеді.

«Біз әкімдіктің жоспарлы түрде қолға алғанын күтіп отыра алмадық. Оларға бірнеше рет жаздық, бірақ нәтиже болмады. Балаларымыз қиналып, күтуге уақыт болмады», - дейді тұрғындар.

Әкімдіктің мәліметінше, жөндеу жұмыстары 2025 жылға жоспарланған.

«Осы аумақтағы көшені толығымен қайта жөндеу және көшені кеңейту арқылы күрделі жөндеу жұмыстары 2025 жылға жоспарланған»  деп хабарлады Атырау әкімдігі.