Әкімдердің қызметі жаңаша бағаланатын болады

Мемлекет басшысы Қасым-Жомарт Тоқаев облыс және қала әкімдеріне аумақтарды абаттандыру және көгалдандыру бойынша бірқатар тапсырмалар берді.

Бұл туралы Ақорда хабарлайды.

Су тасқынынан зардап шекпеген өңірлерде елді мекендердің аумақтарын тазарту, ағаш отырғызу және абаттандыру, сондай-ақ жолдарды ретке келтіру жұмыстарын тезірек бастау қажет. Мемлекет басшысы әкімдерге осындай тапсырма берді.

Қасым-Жомарт Тоқаев бұл жұмысқа қала тұрғындары мен еріктілерді тарту маңызды деп санайды. Оның айтуынша, әкімдердің қызметі елді мекендер мен қоғамдық орындардың сыртқы келбетіне қарай бағаланатын болады.