Әкім сайлауы: билікке кімдер ұмтылуда

5 қарашада елімізде аудан және облыстық маңызы бар қала әкімдерінің сайлауы өтеді. Орталық сайлау комиссиясы төрағасының орынбасары Константин Петров кандидаттарды ұсыну қорытындылары туралы айтты.

Оның мәліметінше, 45 әкім лауазымына 249 үміткер ұсынылған. Орташа бәсеке – бір орынға бес үміткерден асады. Ең жоғары бәсекелестік бір орынға тоғыз үміткер – Жамбыл облысының Жуалы ауданы Курчатов қаласында, Жетісу облысының Кербұлақ ауданында және Түркістан облысының Бәйдібек ауданында байқалды.

Ең төмен бәсеке бір  орынға үш үміткерден – Ақмола облысының Жақсы ауданында, Атырау облысының Исатай ауданында, Батыс Қазақстан облысының Қаратөбе ауданында, Қостанай облысының Алтынсарин, Денисовский, Қарабалық аудандарында.

«Ұсыну әдістеріне келетін болсақ, саяси партиялар өз кандидаттарын ұсына алады, сонымен қатар олардың өзін-өзі ұсыну құқығы бар. Барлық ұсынылған кандидаттардың үштен екісіне жуығы –  64%-ға жуығы – өзін-өзі ұсыну құқығын пайдаланып, өз кандидатураларын өз бетінше ұсынды. Айта кету керек, Қазақстанда тіркелген жеті саяси партияның барлығы әр түрлі аймақтарда  өз кандидаттарын белсенді ұсынды. Бірақ дауыс жинау үшін күреске барлық партиялар қатысуы керек», деді Петров Астанадағы комиссия отырысында.

Ұсынылған кандидаттардың орташа жасы – 47 жас. Үміткерлердің ең көбі – 35 пен 55 жас аралығындағылар – шамамен 70%. Бүгінгі таңда ең жасы үлкен өтініш беруші – Атырау облысының Қызылтұғын ауданыан, ол кісі 62 жаста. Ең жас үміткер Батыс Қазақстан облысының Тасқала ауданынан, жасы 27-де. Үміткерлердің көпшілігі ер адамдар. Олардың ішінде 13 әйел бар.

«Үміткерлердің ең көбі 35 пен 55 жас аралығында. Бұл түсінікті, олар жеткілікті тәжірибе жинақтаған, амбициялары басым, сондықтан ең көбі осы жас аралығындағы топ», - деп қосты. Петров.

63 пайызы қазіргі түрлі деңгейдегі мемлекеттік қызметшілер. 15%-ға жуығы коммерциялық құрылымдардың өкілдері, 10%-ға жуығы мемлекеттік қызметке кірмейтін бюджеттік ұйымдардың қызметкерлері, 7%-ы өздері туралы осындай ақпарат берген уақытша жұмыссыз азаматтар.

Білім бойынша ең көбі экономистер, олар 21%-дан асады, заңгерлер 20% дерлік, 15% мұғалімдер, 13,6% инженерлер, әрбір оныншы үміткердің  ауылшаруашылық білімі бар.