«Әкесіне көрсетпегені үшін сотталды»: Сот қазақ әйелін Қырғызстаннан депортациялауды бұзды

Қырғыстанның Жоғарғы соты қазақстандық Адиям Кенжиеваны Қырғызстаннан депортациялау туралы шешімнің күшін жойғанын хабарлады.

Бұл туралы адвокат Индира Сауытова хабарлады.

Бес баланың анасы депортацияның орнына мемлекетке 20 мың сом айыппұл төлейді.

«Адиям Кенжиева Қырғызстан тумасы, қазақ күйеуімен ажырасқан соң Бішкекке қоныс аударған. Онымен бірге тұратын үш баласы бар, сот әкесі мен балаларының кездесу кестесін белгіледі. Қырғызстанда Кенжиева тұрмысқа шығып, Қырғызстан азаматынан тағы екі баланы дүниеге әкелді. Естеріңізге сала кетейін, Кенжиева 3, 4 және 5 шілдеде балаларын Қазақстан азаматтығы бар әкесіне көрсетпегені үшін сотталған болатын. Алайда бұл күндері кездесуге келуге тиіс адамның өзі болмаған, бұл шекараны кесіп өткені туралы ақпаратпен расталады», - дейді Сауытова.

Оның айтуынша, қылмыстың дәлелі жоқ, ал анасы балалардың әкесімен араласуына кедергі жасамаған. Алайда бұған дейін Бішкектің аудандық және қалалық соттары Кенжиеваны Қазақстанға депортациялау туралы шешім шығарған. Үкімде бес баланың тағдыры талқыланбады — тек анасы шығарылуы керек болды.

Балалардың бірі әкесімен кездесуге кеткен, содан кейін ол баланы анасына қайтармаған. Бұған қоса, Кенжиеваның бұрынғы күйеуі адвокат Индира Сауытованы қорқытқан.