Академия курсанты кәмелетке толмаған қызды зорлады деген күдікке ілінді

Ақмола облысының полиция департаментінің мәліметінше, кәмелетке толмаған қызды зорлау фактісі бойынша тергеу басталды, деп хабарлайды Orda.kz.

Күдікті анықталып, қамауға алынып, уақытша ұстау изоляторына орналастырылды. Қазіргі уақытта тергеу амалдары жүргізілуде.

Белгілі болғандай, күдікті — Көкшетауда орналасқан Мәлік Ғабдуллин атындағы ҚР төтенше жағдайлар министрлігі академиясының курсанты. Бұл оқу орнында болашақ құтқарушы офицерлер даярланады. Академияда осы оқиғаға байланысты қызметтік тексеріс басталды.

Айта кету керек, академияны ұзақ уақыт бойы 2023 жылдың маусымында ТЖМ басшысы болып тағайындалған, бірақ 2024 жылдың ақпанында отставкаға кеткен Сырым Шәріпханов басқарған. Оның орнын полковник Ерлан Әлібеков басты.