Айтыскер Аманжол Әлтай мәжіліс депутаты ретінде ант қабылдады

Белгілі айтыскер Аманжол Әлтай мәжіліс отырысында ант қабылдады. Айтыскер депутат ретінде Қазақстан халқына адал қызмет етуге ант берді.

Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарын мүлтіксіз орындауға, маған жүктелген депутаттық міндеттерді адал атқаруға ант етемін, - деді Аманжол Әлтай.

Мәжіліс төрағасы Ерлан Қошанов жаңадан сайланған депутатты құттықтап, қызметіне табыс тіледі. Аманжол Әлтай мәжілістің әлеуметтік-мәдени даму комитетінде жұмыс істейтін болады.

Аманжол Дүйсенбайұлы – ғалым, филолог, айтыскер ақын, Қазақстанның еңбек сіңірген қайраткері. Ұстаздық тәжірибесі мол, рухани-мәдени құндылықтарды, ұлттық өнерді дәріптеуге, гуманитарлық және білім саласын дамытуға зор үлес қосты, - деді Жәмилә Нұрманбетова.