Қайтыс болған қырғыз депутатының туысы қазақстандық фирмаға 189 мың доллар қарыз

Қырғызстанның Әділет министрлігі 189 мың доллар халықаралық қарызы бар «Ақжол» кәсіпорнын жойды. Қазақстандық сот қарызды отандық компанияның пайдасына өндіру туралы шешім қабылдады.

Қазақстандық «Сапалы Кашемир» ЖШС мен Қырғызстанның «Ақ-Жол» жауапкершілігі шектеулі серіктестігі арасында жүн және басқа да жүн өнімдерін жеткізу туралы келісімге қол қойылған. Кәсіпорындар бірнеше жыл бойы келісім-шартты ұстанды: «Сапалы Кашемир» ЖШС «Ақжолға» тауар жеткізіп берді, ол үшін ақша алды. 2012 жылы қырғыз компаниясының  қарызы жинақталып қалады. «Сапалы Кашемир» компаниясының негізін қалаушы әрі директоры Ахмет Ахметовтың айтуынша, қарыз 189,7 мың долларға дейін өскен.

— 2016 жылы мен бұдан былай тауар жөнелтпейтінімізді айттым. Біз алдымен қарызды жабу керек, содан кейін жұмыс істейтінімізді айттым. Олар жоғалып кетті, тығыла бастады, мен Қырғызстанға бірнеше рет бардым, оларды іздедім. Заңды мекен-жайда компания болған жоқ, барлық нөмірлер ауыстырылып, телефон қоңырауларына жауап берілмеді.

Соңында жүріп мен оларды әрең  таптым, келіссөздер жүргіздік, олар қарызды өтеуге келісті. 2019 жылы олар бірнеше траншпен 40 мың доллар төледі, бірақ содан кейін төлемдер тағы  тоқтап қалды. Мен директорға тағы хабарластым, ол енді ол жерде жұмыс істемейтінін айтты.

— Ол «Ақ-Жол» компаниясының құрылтайшысы, Жогорку Кенеш депутаты Алмазбек Акматовтың (2021 жылы 28 ақпанда қайтыс болған – ред.) күйеу баласы. 2019 жылы жаңа директор болып депутаттың тағы бір туысы Талантбек Акматов келді. Төлеуден бас тартып,  дөрекілік көресе бастады, әдепсіз сөздер айтты, - дейді Ахмет Ахметов.

Ақшаны қайтар алмаған «Сапалы Кашемир» компаниясы Жамбыл облысының мамандандырылған ауданаралық экономикалық сотына арызданған. Сот өкілдері «Ақ-Жол» компаниясына хабарлама жолдады. Қырғызстанның Ленин аудандық соты жауапкерге хабарлама жіберіп, материалдар Қырғызстанның Әділет министрлігінен де сұралды.

2021 жылдың 16 шілдесінде Жамбыл облысының мамандандырылған ауданаралық экономикалық соты «Ақ-Жол» компаниясына қарсы «Сапалы Кашемир» компаниясының пайдасына айыппұлды қосқанда жалпы  189,7 мың доллар төлеуге шешім шығарды.

«Ақ-Жол» жауапкершілігі шектеулі серіктестігінен «Сапалы Кашемир» жауапкершілігі шектеулі серіктестігінің пайдасына 80 958 931 теңгеге  теңгерілген   189 772,70 АҚШ доллары және 2 154 812,07 теңге сот шығындары өндірілсін» делінген сот қаулысында.

2021 жылы Қырғызстанның Әділет министрлігі «Ақ-Жол» жауапкершілігі шектеулі серіктестігін таратқан. Қазақстандық фирманың директоры Ахмет Ахметовтың айтуынша, сот материалдарды талап еткендіктен, онда даудың себебі мен қарыз сомасын көрсетілгендіктен, департамент сот процесі туралы білген.

—  Олардың қандай негізбен жабылғанын біз бірнеше рет жазғанбыз. Егер Қазақстан мен Қырғызстанда бұл компанияға қатысты сот процесі болса, олар оны қалай жоя алады? Бірақ олар жауап бермейді. Сот ісі бар екенін біле тұра, халықаралық қарызы бар компанияны  жауып тастады, - деп түсіндірді Ахмет Ахметов.

ҚР Әділет министрлігінің ашық мәліметтеріне сәйкес, «Ақ-Жол» жауапкершілігі шектеулі серіктестігінің директоры - Талантбек Акматов, ал құрылтайшысы - Эмилбек Акматов.

«Сапалы Кашемир» ЖШС Шуй-Бішкек қалалық Әділет департаменті басшысының «Ақ-Жолдың» қызметін тоқтату туралы бұйрығына қарсы Қырғызстанның Әділет министрлігіне шағымданды, бірақ олардың шағымы қанағаттандырылмады.

Қазақстандық компания әлі де 189 мың долларды қайтарып алуға тырысуда. Ол үшін оған «Ақ-Жол» компаниясын тарату заңсыз деп танылуы керек.

Orda.kz тілшісі қырғыздың «Ақ-Жол» компаниясының директоры Талантбек Акматовқа хабарласты. Ол барлық қарызды – 189,7 мың долларды қолма-қол өтеген және одан артық қарызы жоқ екенін айтты.