Айтуар Қошмамбетов мәжіліс депутаты болып тіркелді

Бүгін, 12 ақпанда орталық сайлау комиссиясының отырысы өтіп, мәжіліс депутаты Айтуар Қошмамбетовті тіркеу туралы қаулы қабылданды. 

Орталық сайлау комиссиясы қаулы етті:

• Парламент мәжілісі депутатының бос мандаты "Respublica" партиясы" қоғамдық бірлестігінің мүшесі Айтуар Қошмамбетовке берілді;
• Айтуар Қошмамбетов мәжілісінің депутаты болып тіркелді;
• Айтуар Қошмамбетовке белгіленген үлгідегі тиісті куәлік пен омырауға тағатын белгі тапсырылды.

Орталық сайлау комиссиясының төрағасы Нұрлан Әбдіров депутаттың өкілеті оны орталық сайлау комиссиясы тіркеген кезден басталатынын хабарлады.

Нұрлан Әбдіров Айтуар Асқарұлына белгіленген үлгідегі куәлік пен омырауға тағатын белгіні табыстап, оған депутаттық корпустағы жұмысына сәттілік тіледі.

Еске салайық, бұған дейін мәжіліс депутаты Динара Шүкіжанова қызметін тоқтататынын мәлімдеді. Палатаның жалпы отырысында депутаттар орталық сайлау комиссиясына өтініш берген Шүкіжанованың отставкаға кетуін қолдады. Депутат Шүкіжанова отставкаға өз еркімен кеткенін, бірақ Respublika партиясында тең төраға болып қалатынын айтты.