Айтбек Амангелді Каржаубайдың ұсталуына қатысты пікір білдірді

Құқық қорғаушы Айтбек Амангелді Шерзаттың әкесінің бүгінгі ісіне пікір білдірді. Оның айтуынша Қаржаубай Нұрымовқа БАҚ өкілдерімен сөйлесуге ешкім тиым салған жоқ, деп хабарлайды Orda.kz.

Бұл туралы қорғаушы өзінің instagram парақшасында айтты.

«Қаржаубайдың өз талабына келсек, оған БАҚ өкілдерімен сөйлесуге ешкім тыйым салған жоқ. Егер ол сұраса, мен оны ұйымдастырып беретін едім, мен кез келген БАҚ өкілдерімен байланыстыратын едім. Бұл мәселе емес», – деді Айтбек. 

Құқық қорғаушы да әзірге не болып жатқанын түсіне алар емес, ол тек қана заңгер мен психологтардан ақпарат күтіп отырғанын мәлімдеді.

«Мен не болып жатқанының себептері мен салдарын әлі толық түсіне алмаймын. Себебі оны анықтау керек, мен өзім Алматыда, орталықтамын. Қазір ол жерге жету үшін маған 2 сағат кетеді, сондықтан мен әзірге заңгер мен психологтан ақпарат күтемін», – деді құқық қорғаушы. 

Ол өзіне журналистердің хабарласып жатқанын да айтты. Алайда ол ештеңеге жауап бере алмай, тек Талғарға барып, мән-жайды білуді сұрайды.