Айтаев Мәжіліс аппаратының басшысы болып тағайындалды

Ренат Айтаев Мәжіліс аппаратының басшысы болып тағайындалды. Бұл туралы Парламент Палатасының баспасөз қызметіне хабарлады.

– Бюро отырысында Мәжіліс төрағасы Ерлан Қошанов палата аппаратының жаңа басшысын Ренат Құрметжанұлы Айтаевты таныстырды, - делінген хабарламада.

Бұған дейін ҚР Президенті Әкімшілік Басшысы хатшылығының меңгерушісі қызметін атқарған Ренат Айтаев 1976 жылы 10 қыркүйекте дүниеге келген. Серікбаев атындағы Шығыс Қазақстан мемлекеттік техникалық университетін, сондай-ақ Қазақ мемлекеттік заң академиясын бітірген.

Еңбек жолы:

Мемлекеттік кіріс министрлігінде, Кедендік бақылау агенттігінде, Қаржы министрлігінде, Еңбек және халықты әлеуметтік қорғау министрлігінде, Индустрия және сауда министрлігінде, премьер-министр кеңсесінде қызмет етті.

2010-2017 жылдары - премьер-министр кеңсесінің Индустриалды-инновациялық даму бөлімінің меңгерушісі.

2017-2019 жылдары - премьер-министр кеңсесі Басшысының орынбасары, премьер-министр кеңсесінің Әдеп жөніндегі уәкілі.

2019 жылы Президент Әкімшілігі Басшысы хатшылығының меңгерушісі болып тағайындалды.