Халықты қайта вакциналауды бастау керек – Тоқаев

Президент Қасым-Жомарт Тоқаев халықты қайта вакциналауды бастау қажеттігін мәлімдеді.

Бұл туралы Orda.kz Ақордаға сілтеме жасап хабарлайды.

Мемлекет басшысы эпидемиологиялық жағдайдың тұрақсыз болып отырғанын баса айтты.

– Мұның бәрі вакциналау қарқынының төмендеуі аясында болып жатыр. 9 айда халықты вакцинамен қамту 40 пайызға жуықтады. Көптеген елдер халықты қайта вакциналауды бастады. Наурыз айында бастағанымызды ескерсек, қайта вакциналау мерзімі жақындап қалды және бізге, үкімет пен әкімдерге тұрғындарды қайта вакциналауды бастау керек, - деді Тоқаев.