Айсұлтан Назарбаев: Трамп тарихтағы АҚШ-тың соңғы президенті болады!

Экс-президент Нұрсұлтан Назарбаевтың жиені Айсұлтан Назарбаев 4 жыл бұрынғы жазбасында Дональд Трамптың қайта сайланатынын айтқан болатын, деп хабарлайды Orda.kz.

АҚШ-та өтіп жатқан сайлауға байланысты Айсұлтан Назарбаев 2020 жылдың 9 маусымындағы жазбасында 2024 жылы Трамптың президент сайлауында жеңіске жететінін болжаған.

«Сіздер АҚШ-та болған барлық оқиғалардан кейін таң қалатын боласыздар: Трамп екінші рет қайта сайланады және АҚШ-та демократия жоқ екеніне көз жеткізесіздер! Онда барлығы ақшамен шешіледі! Олар тек демократия елесін жасайды және оны бүкіл әлемге таңуға тырысады! Ол тарихтағы АҚШ-тың соңғы президенті болады! 2024 жылы антихрист АҚШ-ты жаулап алады! Ұлы державаның құлауымен барлығы күйрей бастайды!»  делінген жазбада.

Бұл жазбаны Айсұлтан 2020 жылы, Джо Байден әлі президент болмай тұрып жариялады. Екі айдан кейін оны саябақтардың бірінен ессіз күйде тапты, кейіннен оның қайтыс болғаны белгілі болды.

Айта кетейік, АҚШ ірі ақпарат құралдарының мағлұматы бойынша, Трамп Камала Харриске қарағанда көп дауыс жинап, президенттік орынға қайта оралып жатыр. Дегенмен, ресми қорытынды әлі жарияланған жоқ.