Қайрат Сатыбалдының үлесі бар компанияда тінту жүргізіліп жатыр

Нұрсұлтан Назарбаевтың немере інісі Қайрат Сатыбалдының үлесі бар «Қазақтелеком» АҚ филиалдарында тінту жұмыстары жүргізіліп жатыр

Ақпаратты Orda.kz тілшісімен сұхбатында компанияның бас қаржы директоры Асхат Өзбеков растады.

«Бірақ бұның компанияның қызметіне кедергі келтірмейтінін атап өткім келеді» деді Өзбеков.

Оның айтуынша, Қайрат Сатыбалды «Қазақтелеком» АҚ акционерлерінің жиналысына бірде-бір рет қатыспаған.

«Оның сенімді адамдары үнемі келетін. Өткен жолы келмеді. Себебін айта алмаймын» деп түйіндеді Өзбеков.

Orda.kz редакциясы акционерлердің жиналысы мажоритарлық акционер келмегендіктен 14 ақпан мен 28 ақпанда да өтпегенін жазды.

Бұл ретте жалғыз құрылтайшысы Қайрат Сатыбалды болып табылатын «Қазақтелеком» АҚ акцияларының 22 пайызына ие Skyline Investment Company S.A әлі күнге дейін акционер болып табылады.