Қайрат Сатыбалдының қайда екені анықталды

Қазақстанның тұңғыш президенті Нұрсұлтан Назарбаевтың немере інісі Қайрат Сатыбалды елорда Нұр-Сұлтан қаласында жүр.

Бұл туралы ҚазТАГ басылымы хабарлайды.

«12 қаңтарда мен Қайрат Сатыбалды Нұр-Сұлтан әуежайында кездейсоқ көрдім. Ол әуежайдың VIP залынан шығып, тез арада көлікке отырды да, кетіп қалды» деді 18 қаңтар күні басылым оқырманы.

Тағы бір куәгердің айтуынша, Қайрат Сатыбалды Дубайдан (БАӘ) Air Astana рейстік ұшағымен ұшып келген. Куәгердің айтуынша, Назарбаевтың немере інісі бизнес-класпен ұшып келген, ол күннен қорғайтын көзілдірік киіп алған.

Авиация саласындағы дереккөздер атап өткендей, Сатыбалды бұрын бизнес-авиация қызметін пайдаланған.

Бұған дейін кейбір ресейлік сарапшылар мен БАҚ Сатыбалды Дубайда ұсталды деген ақпарат таратқан болатын.