Қайрат Сатыбалдыұлының бақылауындағы компания басшылары ұсталды

Антикор Елбасы Нұрсұлтан Назарбаевтың немере інісі Қайрат Сатыбалдыұлына байланысты іске қатысты жаңа ақпарат жариялады.

«Сыбайлас жемқорлыққа қарсы қызмет Қайрат Сатыбалдыұлы, Гүлмира Сатыбалды және басқа да тұлғаларға қатысты тергеуді жалғастырып жатыр.

Тергеу барысында Сатыбалдыұлының бақылауындағы кәсіпорындардың - кірме теміржол желілері (соңғы шақырым) иелері ұрлығының қосымша фактілері анықталды.

Олар Мемлекеттік органдардың лауазымды тұлғалары көмегімен елдің қала құраушы кәсіпорындарына кірме жолдардың қызметтеріне тарифті негізсіз көтеру арқылы көп миллиардтық пайда тапқан» делінген хабарламада.

Белгілі болғандай, Қайрат Сатыбалдыұлының бақылауындағы екі компания басшылары ұсталып, қамауға алынған.