Қайрат Рысқұлбековтың түрмедегі күзетшісі сұмдық шындықтың бетін ашты

Қайрат Рысқұлбековті қайтыс боларынан бір күн бұрын тергеу изоляторында моншаға апарған семейлік Мақсұт Оспанов ешкімге айтпаған деректерімен бөлісті.
Айқын басылымының хабарлауынша, Мақсұт Оспанов 1979-1991 жылдары Семейдегі оқшаулау тергеу изоляторының старшина жасағында конвой, бақылаушы, каптерщик қызметтерін атқарған. Оның айтуынша, Қайрат Рысқұлбековты моншаға қалай апарғаны әлі есінде.

Әлі күнге дейін есімде. Сағат 3 кезінде моншаға өзім ертіп апардым, киімін, бәрін ауыстырып бердім. Сағат 4-5 шамасында камераға кіргіздім. Таңертең келсем, түрмеде айғай-шу. Қайрат қайтыс болыпты. Не болғанын өзім түсінбей қалдым» дейді Оспанов.
Мақсұт Оспанов Қайраттың ерекше бақылаудағы камерада отырғанын айтты.
«Бір кісілік камерада отырды. 22 камера – ерекше бақылаудағы камера. «Смертниктер камерасы» деп алалатын, онда ату жазасына кесілгендер отырады» дейді Мақсұт Оспанов.
Бұрынғы түрме қызметкері бұған дейін барлық кітаптарда, баспа беттерінде «Қайрат Рысқұлбеков Семей түрмесіндегі 21 камерада ажал құшты» деген сөзбен келіспейді.
«Семей түрмесінде 10 жылдан астам еңбек еткен адаммын. Мен жұрт секілді естігенімді емес, көргенімді айтып отырмын. Қайратты өзім камерадан алып шығып, моншаға апарып жүрдім. Меніңше, Қайрат өз ажалынан өлген жоқ. Біреулер өлтірді. Ал оны 21 камераға ауыстырса күндіз ауыстыруы керек еді. 22 камераны екінің бірі аша алмайды. Жедел қызмет бастығы мен түрме бастығы ғана аша алады. Қайратты өзі отырған 22 камерада өлтіріп, 21 камераға апарып тастауы да мүмкін» дейді ол.
Сондай-ақ, Мақсұт Оспанов Қайрат Рысқұлбековтың күнделігі жайлы естелік айтып берді.
«Түрмедегі әрбір кісінің заттарын, киімін қоятын арнайы орын болады. Қайраттың қалың дәптері сонда тұратын. Ұмытпасам, түсі қоңыр болуы керек. Іші тола жазу. Бір күні «Күнделігіңді оқуға бола ма?» деп Қайраттың өзінен рұқсат сұрадым.«Оқыңыз. Бірақ ешкімге бермеңіз», – деді. Біреуге берсем, өз басыма бәле болады ғой. Сөйтіп, Қайраттың күнделігін оқыған жайым бар. Оқыдым дегеннен гөрі шолып шықтым дегенім дұрыс шығар. Әке-шешесіне арнаған өлеңдері, махаббат тақырыбындағы өлеңдері болды» дейді бұрынғы түрме күзетшісі.
Қайрат қайтыс боларының алдында күнделікті камерасына алып кеткен. Мақсұт Оспанов оған күнделігін өзі қиылып сұраған соң жасырын түрде берген екен.
«Қиылып сұраған соң амалсыз бердім. Бір жағы қорықтым. Біліп қойса, мені жұмыстан шығаруы да мүмкін еді. «Қолыңыздан алдым, қолыңызға беремін. Таңертең аласыз», – деді. Таңертең анадай жағдай болды. Күнделік сол күйі табылған жоқ. Кейін табылды деп естідім. Өзім бірақ көрген жоқпын. Осылай боларын білсем, дәптерді көшіріп алар едім. Ол кезде фотоға түсіріп алатын ұялы телефон да жоқ қазіргідей» дейді ол.
Қайрат қайтыс болғанда оны жалғыз өзі моншаға апарғаны үшін Мақсұттан да күдіктеніп, сұрақтың астына алған кездер де болыпты.
«Сен ештеңе көрген жоқсың, моншаға апардың да алып келдің. Аузыңды жап та тыныш жүр», – деді бастықтар. 10 жылдай ешкімге айтпай жүрдім. Қазір ақырындап айтып жүрген жайым бар» дейді Мақсұт Оспанов.
Жаңалықтар
- Еуровидение-2025 финалы 18 мамырға қараған түні Базельде өтеді
- Төрт баланың анасы соқырішектен қайтыс болды
- СІМ Мысырда қаза тапқан және зардап шеккен қазақстандықтар туралы ақпаратты растады
- Мысырда қазақстандық әйелдің қаза болғаны хабарланды
- Азия чемпионатынан Қазақстан қоржынына тағы бір алтын және екі қола медаль түсті
- Құжат бойынша жойылды, іс жүзінде қайта сатылды: Жамбыл облысында ЭҚД қызметкерлері ұсталды
- Зарина Дияс Жапонияда өткен теннис турнирінде жеңіске жетті
- Алматының коммуналдық кәсіпорындары күшейтілген дайындыққа көшті
- Мексика Әскери-теңіз күштерінің оқу-жаттығу кемесі Нью-Йоркте Бруклин көпіріне соғылды
- «Көп жылғы еңбек құрдымға кетті» : Путиннің жарлығы Байқоңыр тұрғындарының баспаналы болу үмітін үзді
- Министрлер кабинеті ҚР Ұлттық қорының кепілдендірілген трансферті туралы заң жобасын жоспардан алып тастады
- Азияда Covid-19 өршіді, Қазақстанда жағдай қалай?
- Көлік нөмірлерін жасырғаны үшін жүргізуші құқықтарынан айырылып, қамауға алынады
- Реалити-шоуда жеңіске жетсеңіз, америкалық азамат атанасыз
- Режиссёр Ермек Тұрсынов Қазақстаннан қоныс аударды
- Жұмбақ қабір: Сара Алпысқызы Назарбаевтар зиратында жерленді ме?
- Атырауда лотерея ұйымдастырып, үй уәде еткен блогер әйел ұсталды
- Көлік салығы жеңілдігі қашан басталып, қандай көліктерге арналады
- «Гедеон арбалары»: Израиль Газаға ауқымды шабуыл бастады
- Қазақстанның Ата заңы Гималайдағы Айленд шыңын бағындырды