Қайрат Нұртай президенттің Байқоңырдағы арнайы өкілі болып тағайындалды

Қайрат Нұртай Қазақстан президентінің «Байқоңыр» кешеніндегі арнайы өкілі болып тағайындалды.

Бұл туралы Ақорда хабарлайды.

«Мемлекет басшысының Өкімімен Нұртай Қайрат Ырзақұлұлы Қазақстан Республикасы Президентінің «Байқоңыр» кешеніндегі арнайы өкілі болып тағайындалды» делінген хабарламада.

Бұл қызметке тағайындалғанға дейін Қайрат Нұртай Қармақшы ауданының әкімі қызметін атқарған.

Қайрат Нұртай Қ.Сәтбаев атындағы Қазақ ұлттық техникалық университетін инженер-механик мамандығы бойынша, Қонаев университетін заңгер мамандығы бойынша бітірген. Ол сондай-ақ Ресей халық шаруашылығы және мемлекеттік қызмет академиясының мемлекеттік және муниципалды басқару магистрі дәрежесіне ие.