Қайрат Құдайбергеннің коронавирус жұқтырғаны анықталды

Алматы қаласы мәслихатының экс-депутаты, қазір қамауда отырған Қайрат Құдайбергеннің коронавирусқа ПТР тесті оң нәтиже берді.

Алматы қаласы мәслихатының экс-депутатының Facebook желісіндегі парақшасында Құдайбергеннің анасы мен оның адвокаты бірнеше апта бойы ПТР-тест тапсыруды сұрап жүргені туралы хабарлама пайда болды.

«Бүгін тест оң нәтиже көрсетті» делінген хабарламада.

Қайрат Құдайберген – Алматы қаласы мәслихатының бұрынғы депутаты, кәсіпкер, Q3 компаниялар тобының негізін қалаушы. Қанды қаңтар оқиғасын әлеуметтік желіде белсенді түрде жариялап, митингілерге өзі қатысқан қоғам қайраткері және блогер. 22 сәуір күні таңертең ол жаппай тәртіпсіздікті ұйымдастырды және оған қатысты деген күдікпен уақытша ұстау изоляторына қамалды. Ал жақында оны қамауға алу мерзімі ұзартылды.