Қайрат Құдайбергеннің басы тағы да дауға қалды
9 тамызда Алматы қаласы мәслихатының депутаты Қайрат Құдайберген иллюстрациялық суреттер салатын «Qantar» есімді қыздың жұмыстарын сынға алды. Депутаттың жазбасынан кейін бойжеткенге қысым көрсетілген.
Бұл туралы Orda.kz хабарлады.
Жазбасында Қайрат Құдайберген қазақтың ұлттық киімін киген жігіт пен қыздың сүйісуін «азғындық, әдепсіздік» деп сынға алды. Артынша ол өз жазбасын өшірді.
Қайрат Құдайбергенің жазбасынан кейін өзін «Qantar» деп атайтын қызға қоқан-лоқы көрсетіліп жатыр. Белгілі болғандай, суретші мұндай жағдайға бірінші рет тап болып отырған жоқ.
– Мен қыздар арасындағы тығыз қарым-қатынасты, әйелдердің құқықтары мен ЛГБТ туралы айтқан сайын хейтерлер болған. Бірақ уақыт өте келе олар жоғалып, орнына мені түсінетін оқырмандар қалатын. Бұл жолғы хейт Құдайберген мырзаның репостына байланысты ауқымды болды. Онда тек жаман пікірден басқа, позитивті жауаптар болды. Тіпті жақсы пікірлер көбірек болды, - деді суретші.
Соңғы жылдары «Qantar» қазақтың ұлттық киімдері мен әшекей бұйымдарын салып жүр. Қызға ұлттық нақыштар мен бейнелер ұнамды. Ол өз жұмыстарында адам құқықтары, әйелдер, ЛГБТ адамдары тақырыбында жазуды және сурет салуды жалғастыруды жоспарлап отыр, өйткені ол өз құқықтарының бұзылғанын қаламайды.
Qantar депутаттың оқырмандарын және олардың ашуын барынша түсініп тұр.
Кибербуллинг
– Қайраттың оқырмандары қорыққаннан қатты ашуланды. Олар мықты қарсыластарға, аса маңызды проблемаларға қарсы өздерінің әлсіздігіне ашуланады; олар қорқынышты және бұлыңғыр болашақтан қорқады, олар балаларынан, өздерінің «дәстүрлерінен» қорқады, өйткені әлем өзгеруде. Мен оларды түсінемін, - деді бойжеткен.
Бойжеткен Құдайбергеннің әрекетін «кибербуллинг» деп санайды.
– Шын мәнінде ол биліктің өкілі және оның әрекетін адам құқығын бұзу деп сипаттауға болады, - деп «Qantar» өз ойымен бөлісті.
Суретші адамдардың қазақ мәдениеті тек оларға ғана тиесілі емес екенін түсінсе дейді. Ол «мен де қазақ қызымын, бұл менің де мәдениетім және мен осы мәдениетке және ұлттық ерекшеліктерге барлығы сияқты құқылымын» деп еске салды.
– ЛГБТ қауымдастығының қазақтары қазақ болуды тоқтатпайды және керісінше: олар қазақ болғандықтан, олардың бағдары мен қалауы ешқайда кетпейді, - дейді қыз.
Еске салсақ, бұл Қайрат Құдайбергеннің қатысуымен болып жатқан бірінші дау емес. 2021 жылдың шілдесінде ол қазақстандық блогер Мерей Жолшының бейнесін репост жасады. Онда блогер «поп-ит» ойыншығын отқа жаққан. Оның ойынша, ол ЛГБТ-ға қарсы күрес. Осы кезде Қайрат ЛГБТ «еуропалық насихат» деп атаған.
Жаңалықтар
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды
- Атырау облысының әкімі Шәпкенов төтенше жағдайларды жою жөніндегі штаб отырысын өткізді
- «Азаттық» тілшісіне қоқан-лоқы жасалды
- Бюджеттегі ысырапшылдық: 500 миллиард теңгеге жуық қаржы құрдымға кетті
- Полиция Жылыой әкімдігі алдында шатыр тігуге бөгет жасады
- Тараз полицейлері тыныс алуы тоқтаған баланы аман алып қалды