Қайрат Құдайберген жаңа лауазымға тағайындалды

Алматының депутаттық корпусында өзгерістер орын алды. Алматы мәслихат сессиясында депутат Арманжан Байтасовтың өкілеттігін жеке өтініші негізінде тоқтату туралы шешім қабылданды.

Бұл туралы Orda.kz хабарлады.

Арманжан Байтасовтың айтуынша, еліміздің және жақын орналасқан мемлекеттердің аумағында жүзеге асырылатын ауқымды медиа жобаны іске асыру үшін ол осындай шешім қабылдап, депутаттықтан кетті.

Арманжан Байтасов «Nur Otan» партиясының мандаты бойынша сайланғандықтан, партияның қалалық филиалы бюросының шешімімен белгілі құрылысшы, Қазақстан Республикасы құрылыс саласы одағының басқарма төрағасы Ералы Сауранбаев Байтасовтың орнына мәслихат депутаты болып сайланды.

Байтасовтың орнына мәслихаттың кәсіпкерлікті, инновацияларды, ақпараттық технологияларды және креативті индустрияны дамыту жөніндегі тұрақты комиссиясының төрағасы болып депутат Қайрат Құдайберген сайланды.