Қайрат Құдайберген тергеу изоляторындағы жағдай туралы жазды

Қайрат Құдайберген блогер ретінде  өзінің Facebook парақшасында  ҰҚК тергеу изоляторында болған әсерімен бөлісті. Депутаттың  түрмеде отырғанына 66 күн болды, ол тергеу изоляторының түрмеден де сорақы екеніне сенімді.

 «20 тәулікке жуық 15/18 тергеу изоляторында және бір айдан астам ҰҚК-нің тергеу изоляторында отырғандықтан, мен «құқық қорғау» деп атайтын жүйе туралы аз-кем айтып бере аламын» деп жазады Құдайберген өзінің әлеуметтік желідегі парақшасында.

Депутат туралы айта кетсек, Қайрат Құдайберген – Алматы қаласы мәслихатының депутаты, бизнесмен, Q3 компаниялар тобының негізін қалаушы. Қанды қаңтар оқиғасын әлеуметтік желіде белсенді түрде жариялап, митингілерге өзі қатысқан қоғам қайраткері және блогер. 22 сәуір күні таңертең ол жаппай тәртіпсіздікті ұйымдастырды және оған қатысты деген күдікпен уақытша ұстау изоляторына қамалды. Ал жақында қамауға алу мерзімі тағы да ұзартылды.

Қамалғанына  қарамастан, блогер өз жағдайынан хабар беріп, абақтыдағы күндері туралы жазбасын тоқтатқан емес.  Тергеу изоляторындағы әсерін оның туыстары жариялаған болуы мүмкін.

 «Әңгімені тергеу изоляторында болу түрмеде отырудан әлдеқайда жаман екенінен бастайық. Сондықтан тергеу изоляторындағы бір ай заң бойынша бір жарым ай түрмеде отырумен теңестіріледі. ҰҚК-нің тергеу изоляторында камерада бірге отырған адамнан басқа ешкіммен сөйлесе алмайсыз. Екеуіңіз ені екі метр, ұзындығы бес метр камераны бөлісесіз. Сыртқа қараған 60-70 см терезе, күннің екінші жартысында камераны аздап жарықтандыру үшін қабырғадан сәл 60 сантиметр кейін  шегеленген қоршалған қорап тәрізді құрылым. Біз осы  уақытты пайдаланып  киім-кешегімізді жуып аламыз» деп жазады блогер.

Оның айтуынша, ҰҚК-нің тергеу изоляторындағы дәретхана 12/18 дәретханаға қарағанда ашық. Дегенмен дәретханаға тартылған жұқа перде арқылы дәрет алып жатқан камераласыңызды көріп отырасыз.  Бүкіл камераға тарайтын иіс арқылы дереттің түрін сезінуге болады. Жуыну мүмкіндігі  аптасына бір рет беріледі, сондықтан дәретханада  жуынуға тура келеді. Сонымен қатар блогер төсек-орынның  бөлек азап екенін айтады.

 «Егер жанашыр қызметкерлер жұқа тақтайша бермесе,  берілген матраста ұйықтап жатып-ақ, омыртқаңызды  қисайтып алуыңыз мүмкін . Өйткені бұл жердегі кереует – бір-біріне темір құбырлар мен тақтайшалар бойымен және көлденеңінен жалғанған металл жақтау ғана. Оның үстінде кішкене болса да тақтайша қойып жатпасаңыз, ұйықтау – нағыз азап» деп жазады Құдайберген.

Депутат серуен туралы мысқылдап қана айтады. Аумағы шағын болғанымен, турник пен орындық бар екен. Жалпы, оның пікірінше, тергеу изоляторында тек «күдіктілер» ғана төзе алатын адамшылыққа жатпайтын жағдайлар бар. Ол мұндай жағдайлардан кейін көптеген адамдар жасамаған барлық қылмыстарды өз мойындарына алады деп болжайды. Бұл ретте Құдайберген қызметкерлердің жеткілікті деңгейде екенін және бұл олардың кінәсі емес, «ЕССІЗ ЖҮЙЕНІҢ» кінәсі екенін түсіндіріп өтеді.