Қайрат Құдайберген халықтан көмек сұраған министрлікті сынға алды

12 тамызда Алматы қаласы мәслихатының депутаты Қайрат Құдайберген ҚР Ауыл шаруашылығы министрлігінің халықтан көмек сұрауын өзінің Instagram парақшасында сынға алды.

Бұл туралы Orda.kz хабарлады.

– Министрлік меншіктің барлық түріндегі ұйымдардың еңбек ұжымдарын объективті қиын жағдайға тап болған азаматтарға қолдау көрсетуге және оларға көмек көрсетуге шақырады, - делінген министрліктің үндеуде.

Құдайбергеннің айтуынша, ол үш күн өзін қоярға жер таба алмаған.

– Білесіздер ме, достар, біз тәуелсіздіктің 30 жылында көп нәрсені көрдік. Бірақ министрлік өзінің сәтсіздіктерінің артын жабу үшін адамдардан ақша сұрады. Ондайды осы уақытқа дейін көрмеппін.

Иә, біздің халық бір-біріне көмектесу қабілетімен танымал. Осы 30 жыл бойы бізде шексіз асар болды - біз күн сайын науқас балаларға, жалғызбасты қарттарға, кедей отбасыларға көмектесу үшін ақша жинаймыз, - деді ол өзінің жазбасында.

Оның айтуынша, халық осы жолы да бір-бірін қиындықтан алып шығады. Қолында барын береді.

– Бірақ, мырзалар, Ауыл шаруашылығы министрлігінің шенеуніктері! Фермерлерге көмектескен сіз емес, қарапайым халық екенін біле тұра, сіз тыныш ұйықтай аласыз ба? - деп сұрақ қойды.

Жұт немқұрайлықтан шықты

Қайрат жұт табиғи құбылыс емес, ол немқұрайлықтан шыққан дегенге кәміл сенеді.

– Жұтты ауыл шаруашылығын құртқан әр түрлі дәрежедегі шенеуніктер ұйымдастырды. «Біздің елімізде ауыспалы егістіктегі малға азық болатын дақылдардың үлесі 15% деңгейінде, бұл ғылым ұсынған көрсеткіштен екі есе төмен. Мал шаруашылығын дамытудың негізгі принциптері бұзылды, ал мал басын көбейту жем-шөп базасын алдын ала нығайтпай жүзеге асырылды». Бұл сөздерді кім айтты? Қазіргі Ауыл шаруашылығы министрінің уақытша орынбасары Ербол Қарашөкеев.

Депутат министрліктің банк, несиелік ұйым не олигархтардан емес, халықтан көмек сұрағанына ашынды.

Ол алда биліктен не күтерін де білмейтін сияқты.