Қайрат Құдайберген Хабиб Нурмагомедовпен есірткіге тәуелділікті талқылады

Кәсіпкер Қайрат Құдайберген спортшы Хабиб Нурмагомедовпен кездесті. Жас кәсіпкер өзінің кездесуі жайлы Instagram парақшасында айтқан.

Бұл туралы Orda.kz хабарлады.

Кәсіпкер мен спортшы спорт, жекпе-жек, тіпті «Eagle Fighting Championship» лигасының турнирі туралы сөйлеспеген. Олар екі ел арасындағы нашақорлық жайында айтқан.

Құдайбергеннің сөзінше, Хабиб Ресейде синтетикалық есірткі мәселесі өршіп тұрғанын айтқан. Бұл ауру Қазақстанға да жеткен.

– Қол жетімді және арзан есірткілер біздің жастарымызды бұзып (16-17 жастағы қыздар «мефа» дозасы үшін кез-келген нәрсеге дайын!), оларды есірткіге тәуелді етеді (есін жиғаннан кейін көңіл-күйлері құбылмалы болып, өздерін агрессивті ұстайды).  

Оның арты жыныстық аурудың өршуіне әкеледі, ал ол болса бедеулік тудырады (бұл синтетикалық есірткіні қолданатын еркектерде кездесетін жағдай).

Жалпы, жоғарыда айтып өткенімдей, Ішкі істер министрі Ерлан Тұрғымбаев тиімді шара қолданып, зұлымдықпен күресуге барлық резервтерді тартуы керек!

Әйтпесе, Қазақстан көп ұзамай 80-ші жылдары героинге тәуелді Америкаға айналады, - деп жазды Қайрат.

Сондай-ақ, ол кездесу Хабибтің уақыты тығыз болғандықтан, ұзақ уақытқа созылмады деді.

Қайрат Құдайберген Хабиб Нурмагомедовпен ТМД елдері ішінде есірткіге қарсы қозғалыс ұйымдастыруға ниетті.