Қайрат Құдайберген Дикий Арманға қатысты пікір білдірді

Мәслихат депутаты Қайрат Құдайберген өзіне қатысты қауесетке жауап берді.

Бұған дейін Құдайберген Дубайда демалып жатқан жерінен Бас прокуратура тергеуге шақырғанын айтқан.

Кейбір адамдар осыған қатысты оны БАӘ экстрадациялады деген ақпарат таратқан.

«Барып тұрған сандырақ. Прокуратура мені куәгер ретінде шақырды. Ал ҰҚК Алматы прокуратурасы жауап алуға шақырған жағдайда, оларға қайта келудің қажеті жоқ екенін айтты» деді Қайрат.

Ол Дикий Арманмен өзін не байланыстыратынын да айтты.

«Мен «Дикий Арманның» демеушісі әрі досы екенмін. Бұл енді сандырақтың ішіндегі сандырақ. Арман Жұмагелдиевпен мен митингілер кезінде алаңда алғаш көрістім. Демеушілік туралы сөз болуы мүмкін емес» деді депутат.