Қайрат Боранбаевтың клубы ресми мәлімдеме жасады

Олигарх Қайрат Боранбаевқа тиесілі «Қайрат» футбол клубы ресми мәлімдеме жасады.

«Қайрат» футбол клубы өзінің ұсталған қожайынына қатысты еш пікір білдірместен, көрермендерді келесі матчқа шақырды.

Еске салайық, бұған дейін қаржы мониторинг агенттігінің қызметкерлері Боранбаевты ұстағаны туралы ақпарат тараған болатын. Ол әлі ресми түрде расталған жоқ.

Клуб та олигархтың тағдыры туралы бір ауыз сөз айтпады, тек әдеттегідей жұмыс істеп жатқанын хабарлады.

«Академия жаңа маусымға дайындықты жалғастыруда, ал негізгі құрам 17 наурыз, бейсенбі күні Орталық стадионда сағат 17:00-де өтетін «Тараз» ФК матчына дайындықты жалғастыруда. Барлығыңызды күтеміз!» деп қуана хабарлады «Қайрат» ФК баспасөз қызметі.