Айнұр Тұрсынбаева бастаған топ Түркия халқына он бес сағатта 35 миллион теңге жинап берді

Айнұр Тұрсынбаева мен Сәтжан Тоқтарбай, Индира Расылхан бастаған топ тікелей эфирде Түркия халқына көмек ретінде қаражат жинады.

Бұл туралы Айнұр Тұрсынбаев өзінің instagram парақшасында хабарлады.

«Түркия мен Сирияда болған жойқын жер сілкіністен қаза тапқандар саны 8 мыңға жетті! Үйіндіден шыға алмай жатқандар өте көп, яғни бейресми дерек көздері қаза тапқандар 15 мыңның айналасында деп айтып жатыр.
Себебі жермен жексен болған үйлердің астын қарау мүмкін емес болмай тұр. Біздің кешегі «СБОР ТОҚТАДЫ» деп жазғанымызға қарамай, түнімен тағы ақша салыныпты! Сонымен 15 сағаттың ішінде 35 МИЛЛИОН ақша түсті! Әлі де тоқтамай түсіп жатыр екен... Кеше 22 миллионға азық-түлік алынды» делінген хабарламада.

Бір камаз азық-түлік бүгін жөнелтілді. Ертең тағы екі камаз азық-түлік жібереді.

Дүкен сөрелерінде балалардың тағамы мүлде қалмаған, бос дейді.