Аймақтарды қалпына келтіруге қажетті ресурстар бөлінеді - Премьер-министр орынбасары

Бүгін вице-премьер Қостанай облысына жұмыс сапарымен барып қайтты, деп хабарлайды Orda.kz порталы. 

Жұмыс сапарында Қанат Бозымбаев аудан және қала әкімдерімен, басқарма басшыларымен кездесу өткізіп қайтты.

Премьер-министрдің орынбасары апаттық-құтқару жұмыстарын әрі қарай жүргізу, құтқарылған адамдарды барлық қажетті заттармен қамтамасыз ету, шығынды бағалау, бүлінген үйлер мен инфрақұрылымды қалпына келтіру туралы тапсырмалар берді.

«Адамдардың қауіпсіздігін қамтамасыз ету және зардап шеккендерге көмек көрсету үшін барлық жағдайды жасау керек. Су тасқыны зардаптарын жою жұмыстары тәулік бойы жүргізілуі тиіс. Өңірлерді қалпына келтіру үшін барлық қажетті ресурстар бөлінеді»,— деп қорытындылады Штаб басшысының орынбасары.