Аймақтарда Құрбан айт намазы оқылды

Бас мүфти Наурызбай қажы Тағанұлы Орталық Коммуникациялар қызметінде өткен брифингте биылғы айт намазы қалай оқылатынын айтты.

— 20 шілде күні республика аумағында таңғы сағат 07.00-де қатаң санитарлық норма талаптарын сақтай отырып, аймақтарда 10 минуттық Құрбан айт намазы оқылады. Дегенмен «қызыл» аймақта Құрбан айт намазы жергілікті санитарлық мемлекеттік бас дәрігердің қаулысына сәйкес оқылады, -  деді ҚМДБ Төрағасы.

Сонымен қатар Наурызбай қажы Тағанұлы Құрбан айт намазын өткізу бойынша ҚМДБ-ның аймақтардағы өкіл имамдары жергілікті бас санитарлық дәрігерлермен бірлесіп, арнайы брифингтер өткізетінін атап өтті.