Аймағамбетов жаңа оқу жылына дайындық туралы айтты

Асқар Мамин бастаған 11 тамыздағы үкімет отырысы кезінде білім және ғылым министрі Асхат Аймағамбетов 2021-2022 оқу жылдарына қатысты жоспарларды айтты.

Бұл туралы Orda.kz хабарлайды.

Аймағамбетовтың айтуынша, жаңа оқуға дайындық жоспарға сай жүргізіліп жатыр.

– Оқу жылы 1 қыркүйектен басталып, 34 апта болады. Сонымен қатар, жазғы мектепті ұйымдастыруға төрт апта қарастырылды. Жаңа оқу жылында қауіпсіздікті қамтамасыз ету үшін арнайы санитарлық іс-шаралар қабылданады. Барлық мектептер, колледждер мен университеттегі қызметкерлер мен білім алушыларға маска кию міндетті болады. Барлығы Ashyq жүйесі арқылы жұмыс істейді, - деді Асхат Қанатұлы.

Министр санитарлық тараптарға сай дәстүрлі форматта оқу жүйесі туралы да айтты.

– Шектеулерді сақтай отырып, балабақшаларда 20-25 балаға дейінгі топтарда штаттық режимде жұмыс істеуге болады. Өз кезегінде мектептердің барлық 1-11 сынып оқушыларына қатаң санитарлық нормаларды сақтай отырып дәстүрлі оқыту форматын жүргізу, сонымен қатар колледждер мен ЖОО студенттері де осы форматта оқыту ұсынылады.

1 қыркүйекте болатын салтанатты іс-шара мектеп аумағында 1 сынып оқушылары үшін ұйымдастырылады. Оларға салтанатты түрде алғашқы оқулығы «Әліппе» табысталады.

2-11 сынып оқушылары тікелей бекітілген кабинетке барып, тақырыптық сынып сағатына қатысады,- дейді Аймағамбетов.