Аймағамбетов мектептегі қанды қырғынға қатысты пікір білдірді

ҚР Білім және ғылым министрі Асхат Аймағамбетов Қазан қаласында орын алған атысқа қатысты пікір білдірді.

Бұл туралы Orda.kz хабарлады.

- Қазан қаласының мектебінде болған террорлық акт кезінде қаза тапқандардың отбасыларына қайғырып көңіл айтамын. Қайғылы жағдай ешкімді бейжай қалдырған жоқ, әрқайсымыздың жүрегімізге ауыр тиіп, зор күйзеліспен қабылдадық. Біз осы қайғылы оқиғалардан сабақ алуымыз керек. Кеше осы мәселелер бойынша кеңес өткіздім. Осы жағдайға талдау жүргізуді және жақын арада балалардың қауіпсіздігін қамтамасыз ету бойынша барлық деңгейлерде қосымша кешенді шаралар қабылдауды тапсырдым, – деп жазды министр өзінің Facebook парақшасында.

Министрдің айтуынша, бұл тек қауіпсіздік амалдарына емес, оқушылардың мінез-құлқына да тікелей қатысты.