Айкөркем ісі: прокурор күдіктіні 7 жылға бас бостандығынан айыруды сұрады

Алматы әскери соты қаңтар оқиғасы кезінде қаза тапқан төрт жасар Айкөркем Мелдеханның өліміне қатысты талқылауды аяқтады.

Алматы әскери гарнизонының прокуроры Айдос Ақберген күдікті әскери қызметкер Арман Жұманды 7 жылға бас бостандығынан айыруды сұрады. Бұл оған тағылған бап бойынша ең жоғары жаза. Жұманға 451-баптың 2-бөлігінің 1-тармағы бойынша «Қару қолданып, ауыр зардаптарға әкеп соқтырған өкілеттік шегінен шығу» деген айып тағылды.

Бұл ретте күдіктінің қорғаушысы соттан оны толық ақтауды талап етті.