Әйгілі блогерлер 15 жылға сотталуы мүмкін

Дамир Күшеев пен Руслан Кәрімов 15 жылға сотталуы мүмкін, деп хабарлайды Orda.kz.

Алматы прокуратурасының мәліметінше, қазіргі уақытта қалалық полиция департаменті ҚР ҚК 194-бабы, 4-бөлігі, 2-тармағы (аса ірі мөлшерде жасалған бопсалау) бойынша сотқа дейінгі тергеу жүргізіп жатыр. Айта кетейік, бұл бап мүлкі тәркіленіп, жеті жылдан 15 жылға дейінгі мерзімге бас бостандығынан айыру жазасын қарастырады.

«Күдіктілер бопсалау және компроматтық материалдарды әлеуметтік желіге жариялау қаупін пайдалана отырып, 8 миллион теңге талап еткен. Сонымен қатар, олар жәбірленушіні сот шешімі бойынша кәсіпкер төлеуге міндетті 20 миллион теңге шағымынан бас тартуға көндіруге тырысқан», - деді полиция. 

Айта кетейік, Алматыда 23 қаңтар күні Дамир Күшеев пен Руслан Кәрімов ұсталған болатын.