Әйгерім Тілеужанға қатысты колониядағы іс жабылсын – адвокат Айнара Айдарханова

Адвокат Айнара Айдарханова Әйгерім Тілеужанға қатысты қозғалған істі жабу керек екенін айтты, деп хабарлайды Orda.kz порталы RESPUBLIKA.KZ.media Telegram-арнасына сілтеме жасап.

«Сот-медициналық сараптама тағайындалды. Бүгін жәбірленушілер, күдіктілер және басқа да адамдардың денсаулығына келтірілген зиянның ауырлық дәрежесін анықтау үшін сараптамалық зерттеу әдістемесіне сәйкес үзінді, анықтама немесе басқа да анықталмаған құжаттар негізінде қорытынды жасауға тыйым салынатыны туралы тағы да жауап алынды.
Алматы облысы бойынша ғылыми-зерттеу институты директорының сот-медициналық мәселелер жөніндегі орынбасары аталған өтінішке сәйкес, сот-медициналық сараптама тағайындау туралы қаулыны орындаусыз қайтару керек деп есептейді. Өйткені өтініш берушінің өзі тікелей сараптамадан өтуден бас тартады. Осыған орай, аталған жауапқа сүйене отырып, қылмыстық қудалау органында Тілеужанованың денсаулығына ауырлығы орташа зиян түріндегі дене жарақатын келтіргені туралы жеткілікті дәлелдемелер мен мәліметтер болмағандықтан, бұл қылмыстық іс тоқтатылуы тиіс», - деді Айдарханова баспасөз мәслихатында.

Сонымен қатар ол бұл істі тоқтатуға толықтай негіз бар екенін де тілге тиек етті.

«Бұл жауап бізді қуантты, өйткені сотталған Бекможинованың өзі, қайталап айтамын, кез келген сараптамадан бас тартады. Қазіргі уақытта тергеуші сарапшы, сотталған Бекможинованың өзін осы өтінішпен таныстыруы ғана қалды және бұл істі тоқтату керек деп есептейміз. Мұнда ешқандай негіз немесе құрам жоқ. Егер бұл арызданушы Тілеужанова Әйгерімді ұрып-соққан деп есептесе, оны сараптама арқылы растауы керек. Алайда, оның тарапынан бас тарту туралы арыз түсті», - деп түсіндірді Айдарханова.

Айта кетейік, 2022 жылдың қазан айында Әйгерім Тілеужан Алматы әуежайындағы қаңтардағы тәртіпсіздікке қатысты күдікті болғаны хабарланған болатын. Ал 5 наурызда журналист Әйгерім Тілеужанға қатысты жаңа қылмыстық іс қозғалғаны белгілі болды. Кейін полицейлер Тілеужанова мен колониядағы жанжалдың екінші қатысушысынан жауап алып жатқанын хабарлады.