Айгүл Әділова «Хабар24» мемлекеттік телеарнасының директоры болып тағайындалды

Экс-президент Нұрсұлтан Назарбаев туралы деректі фильмдер түсіріп, ол туралы кітап жазған журналист Айгүл Әділова ресми түрде «Хабар24» мемлекеттік телеарнасының директоры болып тағайындалды.

Айгүл Әділова Нұрсұлтан Назарбаевтың айғақтарымен «Портретке штрих» деректі фильмін түсіріп, осы фильмнен алынған сұхбаттың стенограммасымен аттас кітап жазды.

Еске салсақ, бұған дейін ол «Хабар» мемлекеттік телеарнасы директорының міндетін атқарушы болған.

Айгүл Әділова Ақтөбе қаласында дүниеге келген. Алматы экономика және статистика академиясында оқыған.

Бұған дейін «Бірінші Еуразия» және «Астана» телеарналарында жұмыс істеген. «Хабар» арнасында жаңалықтар және аналитикалық бағдарламалар директоры, журналистік зерттеу бөлімінде жетекші болып қызмет еткен.