«АЭС туралы жиындағы жанжал»: Балқашқа қауіп төніп тұр ма?

Алматыда атом электр станциясының (АЭС) құрылысы бойынша өткен талқылау жиынында жанжал шықты. 

Orda.kz тілшісінің хабарлауыншы, жиынға қатысушылар талқылау барысына наразы болып, дау тудырды. Жобаға сын айтатын мамандарға сөз беруді талап етті. Олардың сөзінше тек АЭС салу бойынша үгіт-насихат жүргізіліп жатыр.

Даудан соң ақыры микрафонды қолына алған KEGOC-тың бұрынғы басшысы Әсет Наурызбаев сөз сөйледі. Ол АЭС салмай, басқа жол қарастыруға болатынын айтып, бұл құрылыстан туындайтын үш негізгі мәселені атап өтті:

• Радиоактивті қалдықтарды болашақ ұрпаққа қалдыру арқылы қиындық тудыру;
• АЭС жарылған жағдайда Балқаш көлінен айырылу қаупі;
• Қазақстанның шетелдік технологиялар мен станцияны басқаруға тәуелді болып қалуы сияқты мәселелер.

АЭС құрылысына қарсы топ ішінен кимешек киген егде жастағы әйел алдыңғы қатардан орын алу үшін алысып жүріп, сол орынға жайғасты. Кимешек киген егде жастағы әйел «неге микрофонды бермейсіңдер?» деп талап еткен бодатын.

Ақыры дау кезінде эколог Мэлс Елеусізов сөз сөйледі. Ол бұл жиналысты АЭС құрылысын қолдау мақсатында жүргізілген насихат деп атап, жоба экологиялық апатқа әкеліп, Балқаш көлінің құруына себеп болуы мүмкін екенін ескертті. Жиналыстағы жағдай ушығып, АЭС құрылысына қарсы топ жобаға тоқтау салуды талап етіп, ұрандата бастады. 
Қақтығыс болмас үшін жиынға тәртіп сақшылары келіп бақылап тұрды.

Алда Orda.kz өтіп жатқан АЭС құрылысы туралы талқылау өтіп жатқан жиыннан хабар беріп отырады.