«АЭС салу»: Астанадағы жиынға келе жатқандарды ұстаған

Бүгін, 20 тамыз күні, Астанада атом электр станциясын салу мәселесі бойынша ашық жиын басталды.

Бұл туралы Orda.kz хабарлады.

Іс-шараға 100-ге жуық адам, оның ішінде билік өкілдері, депутаттар және сарапшылар қатысты. Алматыдағы дауға ұласқан пікірталастарға қарағанда, елордадағы талқылау тыныш жағдайда өтіп жатыр. Алайда жиынға жеткізбей кейбір адамдарды ұстап, кіргізбей қойды.

Ал іштегі қатысушылардың барлығы тек станция құрылысына қолдау білдіретін ұрандар жазылған плакаттарды ұстап жүрді.

АЭС салу мәселесі қоғам назарын аударып, түрлі дау туғызып жатыр. Алдағы уақытта осы жиыннан хабар беріп отырамыз.

Еске сала кетсек, Orda.kz Алматыдағы АЭС салу мәселесі бойынша өткен дауға толы жиын жайлы жазған болатын.